منقول من بوست عالفيسبوك، مجهول الأصل
لعله للدكتور كريم نجاتي
- بقالك أد ايه بتمتحن يا دكتور ؟!
- اكتر من 28 سنة بمتحن
امتحنت في فصل
وفي مدرج
في قاعة امتحانات
في خيمة
في طرقة
في مشرحة
في معمل
في متحف
في عنبر في مستشفى
في قاعة صوتيات
في قاعة كمبيوتر
في مركز امتحانات
وجوه مصر وبراها
وفي الخليج
وفي امريكا
امتحنت في كراسة إجابة
وفي شيت
وفي ورقة رسم بياني
وفي ورقة رسم
وامتحنت بتلات ورقات أسئلة وتلات ورقات اجابة في وقت واحد
وعلى كمبيوتر
وعلى مريض
وعلى انسان عادي بيمثل انه مريض
وعلى طفل مريض ومعاه أمه
وعلى مكالمة تليفون من مريض
وعلى مكالمة تليفون من قريب المريض
وعلى آلات جراحية
وعلى ميكروسكوب
وعلى صورة
وعلى فيلم أشعة
وعلى جثة
وعلى شريط رسم قلب
وعلى صور أشعة فوق صوتية ومقطعية و رنين
وعلى عينة في جار
وعلى عضم
وعلى سائل في أنبوبة اختبار
وعلى جمجمة
وطبعا امتحنت شفوي كتييييييير
امتحانات دخلتها معايا قلم
وامتحانات دخلتها معايا سماعة
وامتحانات كان معايا قطنة ودبوس ومطرقة
امتحانات كان معايا مازورة
وامتحانات دخلتها معايا كشاف
امتحانات مدتها دقايق
وامتحانات مدتها ٦ساعات وفي كمان ٩ ساعات
امتحانات جاوبتها بالرصاص
وامتحانات بالحبر
أو بالألوان
أو على كمبيوتر
امتحانات الورقة بتتشد مني وانا بكتب عشان الوقت خلص
وامتحانات أقعد أبص في الساعة عشان يعدي نص الوقت عشان يرضوا يخرجوني
امتحانات خرجت منها زعلان عشان ضيعت نص درجة
وامتحانات خرجت فرحان عشان حليت أي حاجة
وامتحانات خرجت فرحان بس عشان خرجت
ذاكرت في كتب
ومذكرات
وورق دروس
وملخصات
ومراجع
وقواميس
وأطالس
ومواقع علمية
ومجلات دورية
وعلى شرايط كاسيت
وعلى مواقع على النت
وعلى كمبيوتر
وعلى التاب
وعلى الموبايل
ذاكرت على المكتب
وعلى السرير
وعلى الأرض
وعلى السلم
وفوق السطح
وفي البلكونة
وفي الفصل
وفي المدرج
وفي المكتبة
وفي النادي
وفي المواصلات
وفي سكن الأطباء في المستشفى
امتحنت وأنا طفل وامتحنت وأنا مراهق وامتحنت وأنا خاطب وامتحنت وأنا متجوز وامتحنت وأنا أب .. كلها امتحانات ياابني .. امتحانااااااات
للاطباء فقط .....😄😄😄
ليست هناك تعليقات:
إرسال تعليق